Plantun de Prouvènço

Pèr coumpara dos planto d'encò nostre

Mutellina adonidifolia & Orthotrichum affine

Mutellina adonidifolia

Apiaceae Umbelliferae

Nom en français : Ligustique à feuilles d'adonis.

Descripcioun :
La mutellino es uno planto renadivo, sènso péu que trachis dins li pelouso, champino e coumbo à nèu séusouso, dins l'uba dis Aup. Es uno planto raro au nostre. Se recounèis à sa cambo boutisso e subretout à si fueio tres cop descoupado en long que fan un pau pensa à li dóu Seseli montanum. Apoundèn que li brout an ges de bratèio (mai pas lis invoulucello).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Mutellina
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 3 à 5 cm
Flourido : Estiéu

Sòu : Si
Autour basso e auto : 1500 à 2800 m
Aparado : Noun
Juliet à avoust

Liò : Pelouso - Champino - Coumbo à nèu
Estànci : Subaupen à Aupen
Couroulougi : Ouroufito-Éuroupenco
Ref. sc. : Mutellina adonidifolia (J.Gay) Gutermann, 2006 (= Meum mutellina (L.) Gaertn., 1788 = Ligusticum mutellina (L.) Crantz, 1768 )

Flouquet-aparenta

Orthotrichum affine

Orthotrichaceae

Nom en français : Houppe affine.

Descripcioun :
Aquelo mousso, coume la mage part dis Orthotricum, trachis sus li pège d'aubre (éuse, roure...). Se recounèis à sis fueio recurvado longo de 3 à 3,5 mm e acabado émé un pouncho verdo (e pas ialino), e peréu à soun urno aranjado di vue rufo en long.

Usanço :
Lis àutris Orthotricum coumun de pège podon agué un pouncho ialino (Orthotricum diaphanum) o uno urno lisco (Orthotricum striatum).
Orthotricum lyelii fai de proupagulo. Se destrìo seguramen bonodi la formo de sis estoumato.